راولپنڈی: (دنیا نیوز) پاکستان اور روس کے درمیان ہونے والی مشقیں دروزبہ 6 اختتام پذیر ہو گئیں۔
پاک فوج کے شعبہ تعلقات عامہ (آئی ایس پی آر) کے مطابق مشقوں کی اختتامی تقریب کرسنودرکے ملوکینو ٹریننگ ایریا میں منعقد ہوئی، دوہفتے جاری رہنے والی مشقوں میں انسداد دہشتگردی کے حوالے سے آپریشنز کیے گئے۔
آئی ایس پی آر کے مطابق دونوں جانب سے انسداددہشتگردی کے حوالے تجربات سے استفادہ کیا گیا، مشترکہ انسداددہشتگردی کے آپریشنز میں اسیپشل فورسز کے دستوں نے حصہ لیا۔
