تازہ ترین
  • بریکنگ :- ایف بی آئی کافلوریڈامیں ڈونلڈٹرمپ کی رہائش گاہ پرچھاپہ،خبرایجنسی
  • بریکنگ :- فلوریڈا:تحقیقاتی ایجنسی نےخفیہ دستاویزات تحویل میں لےلیں،خبرایجنسی

اومی کرون سے بچاؤ کا واحد حل مکمل ویکسی نیشن ہی ہے: این سی او سی

Published On 30 December,2021 10:27 am

اسلام آباد: (دنیا نیوز) این سی او سی نے کہا ہے کہ اومی کرون سے بچاؤ کا واحد حل مکمل ویکسی نیشن ہی ہے۔

نیشنل کمانڈ اینڈ کنٹرول سنٹر (این سی اوسی) نے عوام سے اپیل کی ہے کہ اومی کرون وائرس کی صورت میں دنیا بھر کو کورونا کی نئی لہر کا سامنا ہے، لہذا اپنی ویکسی نیشن جلد از جلد مکمل کروائیں، عوام کورونا کے خلاف جنگ میں حکومت کا ساتھ دے۔

دوسری جانب نیشنل کمانڈ اینڈ آپریشن سینٹر کے تازہ ترین اعدادوشمار کے مطابق کورونا وائرس سے 3 افراد جاں بحق ہوگئے، جس کے بعد اموات کی تعداد 28 ہزار 921 ہوگئی۔ پاکستان میں کورونا کے تصدیق شدہ کیسز کی تعداد 12 لاکھ 94 ہزار 861 ہوگئی۔

گذشتہ 24 گھنٹوں کے دوران 482 نئے کیسز رپورٹ ہوئے، پنجاب میں 4 لاکھ 44 ہزار 862، سندھ میں 4 لاکھ 81 ہزار 381، خیبر پختونخوا میں ایک لاکھ 81 ہزار 334، بلوچستان میں 33 ہزار 630، گلگت بلتستان میں 10 ہزار 429، اسلام آباد میں ایک لاکھ 8 ہزار 565 جبکہ آزاد کشمیر میں 34 ہزار 660 کیسز رپورٹ ہوئے۔

ملک بھر میں اب تک 2 کروڑ 33 لاکھ 24 ہزار 549 افراد کے ٹیسٹ کئے گئے، گذشتہ 24 گھنٹوں کے دوران 50 ہزار 662 نئے ٹیسٹ کئے گئے، اب تک 12 لاکھ 55 ہزار 931 مریض صحتیاب ہوچکے ہیں جبکہ 639 مریضوں کی حالت تشویشناک ہے۔

پاکستان میں کورونا سے ایک دن میں 3 افراد جاں بحق ہوئے جس کے بعد وائرس سے مرنے والوں کی تعداد 28 ہزار 921 ہوگئی۔ پنجاب میں 13 ہزار 66، سندھ میں 7 ہزار 666، خیبرپختونخوا میں 5 ہزار 927، اسلام آباد میں 967، بلوچستان میں 363، گلگت بلتستان میں 186 اور آزاد کشمیر میں 746 مریض جان سے ہاتھ دھو بیٹھے۔