لاہور: (دنیا نیوز) ملک بھر میں زلزلے کے شدید جھٹکے محسوس کئے گئے، لوگ کلمہ طیبہ کا ورد کرتے ہوئے گھروں سے باہر نکل آئے۔
راولپنڈی، اسلام آباد، خیبر پختونخوا کے مختلف اضلاع خیبر، دیر بالا، نوشہرہ، ایبٹ آباد، مینگورہ، کوہاٹ، گلگت میں بھی زلزلے کے جھٹکے محسوس کئے گئے۔ لوگوں میں خوف و ہراس پھیل گیا۔ زلزلہ پیما مرکز کے مطابق زلزلے کی شدت 5.9 رکارڈ کی گئی جبکہ زلزلے کی گہرائی 210 کلو میٹر تھی۔ زلزلے کا مرکز کوہ ہندوکش ریجن تھا۔
