اسلام آباد: (دنیا نیوز) نیشنل کمانڈ اینڈ آپریشن سنٹر (این سی او سی) نے اہم اجلاس کے دوران تعلیمی اداروں کو ایس او پیز کے تحت مکمل طور پر کھولنے کا فیصلہ کر لیا۔
نیشنل کمانڈ اینڈ آپریشن سنٹر کے اہم اجلاس کا انعقاد ہوا جس میں کورونا وائرس کے کم ہوتے ٹرینڈز کی صورتحال کا جائزہ لیا گیا۔ اجلاس میں این سی او سی نے کورونا صورتحال بہتر ہونے پر این پی آئیز نرم کرنے کا فیصلہ کیا ہے۔ اجلاس میں 10 فیصد سے کم شرح والے شہروں میں پابندیاں واضع نرم کرنے کا فیصلہ کیا گیا۔
این سی او سی نے انڈور اجتماعات میں شرکاء کی تعداد 300 سے بڑھا کر 500 تک کی اجازت دے دی اور پبلک ٹرانسپورٹ میں مسافروں کی گنجائش 70 فیصد سے بڑھا کر 80 فیصد کر دی۔ ادارے نے ریلوے میں دوران سفر مسافروں کی گنجائش 80 فیصد سے بڑھا کر 100 فیصد کر دی ہے۔
اجلاس میں تعلیمی اداروں کو ایس او پیز کے تحت مکمل طور پر کھولنے کا بھی فیصلہ ہوا ہے۔ دوران سفر بیوریج کی تقسیم پر 28 فروری تک پابندی برقرار رہے گی۔
