تازہ ترین
  • بریکنگ :- کراچی:بارشوں کےپیش نظراعلیٰ ثانوی تعلیمی بورڈ نےآج ہونے والےپرچےملتوی کردئیے
  • بریکنگ :- آرٹس ریگولر،پرائیوٹ اور خصوصی افراد کےمتحانات ملتوی کردئیے ہیں،ترجمان انٹر بورڈ
  • بریکنگ :- تمام ملتوی شدہ پرچےاب 23 اگست کو انہی مراکز میں لیےجائیں گے،ترجمان
  • بریکنگ :- کراچی:عملی امتحانات ری شیڈول کرنے کیلئے کالجز کو ہدایات جاری کر دیں،ترجمان

مشترکہ مفادات کی بنیاد پر نیپال کیساتھ طویل مدتی تعلقات بڑھانا چاہتے ہیں: آرمی چیف

Published On 05 April,2022 08:14 pm

راولپنڈی: (دنیا نیوز) آرمی چیف جنرل قمر جاوید باجوہ نے کہا کہ پاکستان مشترکہ مفادات کی بنیاد پر نیپال کے ساتھ طویل مدتی تعلقات کو بڑھانا چاہتا ہے۔

پاک فوج کے شعبہ تعلقات عامہ (آئی ایس پی آر) کی طرف سے جاری کردہ بیان کے مطابق پاکستان میں نیپال کے سفیر مسٹر تاپس ادھیکاری نے جنرل ہیڈ کوارٹرز (جی ایچ کیو) میں سپہ سالار جنرل قمر جاوید باجوہ سے ملاقات کی۔

ملاقات کے دوران علاقائی سلامتی کی صورتحال اور دونوں ممالک کے درمیان دوطرفہ تعلقات کو بہتر بنانے کے اقدامات پر تبادلہ خیال کیا گیا۔

اس موقع پر آرمی چیف نے کہا کہ پاکستان مشترکہ مفادات کی بنیاد پر نیپال کے ساتھ طویل مدتی کثیر ڈومین تعلقات کو بڑھانا چاہتا ہے۔ خطے میں پائیدار امن اور استحکام کے لیے تمام علاقائی ممالک کو مل کر کام کرنے کی ضرورت ہے۔

نیپالی سفیر نے علاقائی استحکام کے لیے پاکستان کی کوششوں کو سراہا اور پاکستان کے ساتھ ہر سطح پر سفارتی تعاون میں مزید بہتری کے لیے اپنا کردار ادا کرنے کا عہد کیا۔