تازہ ترین
  • بریکنگ :- 24 گھنٹےکےدوران 16 ہزار 299 کوروناٹیسٹ کیےگئے،این آئی ایچ
  • بریکنگ :- 24 گھنٹےمیں کوروناکےمزید 624 کیس رپورٹ،این آئی ایچ
  • بریکنگ :- ملک میں کورونامثبت کیسزکی شرح 3.83 فیصدرہی،این آئی ایچ
  • بریکنگ :- ملک میں 24 گھنٹےکےدوران کوروناسےمزید 11 اموات،این آئی ایچ
  • بریکنگ :- کوروناسےمتاثر 142 مریضوں کی حالت تشویشناک،این آئی ایچ

نوازشریف سے ملاقات، وزیراعظم شہباز شریف وفد کے ہمراہ لندن پہنچ گئے

Published On 11 May,2022 09:07 am

اسلام آباد: (دنیا نیوز) وزیراعظم شہباز شریف لیگی قائد نوازشریف سے ملاقات کیلئے لندن پہنچ گئے، احسن اقبال، مفتاح اسماعیل، ایاز صادق، مریم اورنگزیب بھی ان کے ہمراہ ہیں۔

وزیراعظم برٹش ایئرویز کی پرواز بی اے2260 کے ذریعے گذشتہ رات 12 بج کر 40 منٹ پر لندن روانہ ہوئے تھے۔ وفاقی وزیرداخلہ رانا ثناء اللہ، مریم  اورنگزیب، ایاز صادق اور مفتاح اسماعیل بھی وزیراعظم کے ہمراہ لندن پہنچے ہیں۔ سعد رفیق ، خواجہ آصف سمیت دیگر کابینہ کےارکان بھی وفد میں شامل ہیں۔ اہم بیٹھک میں معاشی صورتحال سمیت دیگر امور پر بات چیت ہو گی۔

وزارت ہوا بازی کی جانب سے گذشتہ شب روانگی کے وقت اسلام آباد ایئرپورٹ کے سٹیٹ لاؤنج میں خصوصی انتظامات کرنے کی ہدایت کی گئی تھی۔ اعلی سطحی وفد نے اسلام آباد سے لندن روانہ ہونے کے لیے چائینہ گیٹ استمال کیا۔ روانگی کے موقع پر اے ایس ایف کی بھاری نفری اسلام آباد ایئرپورٹ پر تعینات رہی۔