لاہور: (دنیا نیوز) وفاقی وزیر و رہنما مسلم لیگ ن خواجہ سعد رفیق نے کہا ہے کہ الیکشن قبل از وقت ہوں، بروقت یا جب بھی، اتفاق رائے کے بغیر سب گھاٹے میں رہیں گے۔
سماجی رابطے کی ویب سائٹ ٹوئٹر پر خواجہ سعد رفیق کا کہنا تھا کہ حصول و ارتکاز اقتدار کی بے رحم جنگ سے ہٹ کر مکالمہ ہو، اپنی اپنی غلطیاں مانی جائیں، ریاست کو دلدل سے نکال کر ملک چلانے کی راہ ڈھونڈی جائے۔
الیکشن قبل ازوقت ھوں ،بروقت یاجب بھی
— Khawaja Saad Rafique (@KhSaad_Rafique) January 20, 2023
اتفاق راۓ کے بغیرسب گھاٹے میں رھیں گے
حصول و ارتکاز ِ اقتدار کی بے رحم جنگ سےھٹ کرمکالمہ ھو ،اپنی اپنی غلطیاں مانی جائیں ،ریاست کودلدل سے نکال کرملک چلانے کی راہ ڈھونڈی جاۓ
میں اب تک دن کے ھنگاموں میں گُم تھا
مگر اب شام ھوتی جا رھی ھے
لیگی رہنما نے کہا کہ میں اب تک دن کے ہنگاموں میں گم تھا مگر اب شام ہوتی جا رہی ہے، امید کی جاتی ہے کہ آئندہ عمران خان صاحب 35 پنکچر کی اصطلاح سیاسی بیان کے طور پر استعمال کرنے سے باز ہی رہیں گے۔
امید کی جاتی ھے کہ آئیندہ
— Khawaja Saad Rafique (@KhSaad_Rafique) January 20, 2023
عمران صاحب 35 پنکچر کی اصطلاح سیاسی بیان کے طور پر استعمال کرنے سے باز ھی رھیں گے
