اسلام آباد: (دنیا نیوز) وزیراعظم شہباز شریف نے سعودی عرب کی خواتین ٹیم کو فٹ بال ٹورنامنٹ جیتنے پرمبارکباد دی ہے۔
سماجی رابطے کی ویب سائٹ ٹوئٹر پر اپنے پیغام میں وزیراعظم شہباز شریف نے کہا کہ ہمیں پاکستان خواتین ٹیم کی دوسری پوزیشن پر بھی فخرہے۔
اپنے پیغام میں وزیراعظم نے ماریہ خان کو شاندار گول کرنے پر خصوصی مبارکباد دیتے ہوئے کہا کہ پاکستان میں فٹ بال اور خواتین کے کھیلوں کے فروغ کے لئے پرعزم ہیں۔
— Shehbaz Sharif (@CMShehbaz) January 20, 2023
واضح رہے کہ سعودی عرب میں 4 ملکی ویمنز فٹبال ٹورنامنٹ کے فائنل میں سعودی عرب اور پاکستانی ویمن ٹیم کے مابین ہونے والا میچ ایک ایک گول سے برابر رہا، تاہم پوائنٹس میں برتری پر سعودی ٹیم فاتح قرار پائی، قومی ویمن ٹیم کا دوسرا نمبر رہا۔
