لاہور: (دنیا نیوز) نگران وزیر اعلیٰ پنجاب محسن رضا نقوی نے لاہور کی سڑکوں سے فوری طور پر کنٹینرز ہٹانے کا حکم دے دیا۔
نگران وزیر اعلیٰ پنجاب محسن رضا نقوی نے گفتگو کرتے ہوئے کہا کہ شہریوں کو کسی بھی صورت تنگی نہیں ہونی چاہیے، پولیس اور ضلعی انتظامیہ پی ٹی آئی کی مقامی لیڈر شپ کے ساتھ بیٹھ کر زمان پارک کے شہریوں کے مسائل حل کرے اور کینال روڈ پر ٹریفک کی روانی کو یقینی بنائے۔
یہ بھی پڑھیں: زمان پارک میں پولیس کاگرینڈ آپریشن ، پی ٹی آئی کے متعدد کارکن گرفتار،اسلحہ برآمد
واضح رہے سابق وزیر اعظم عمران خان کے وارنٹ منسوخ ہونے کے بعد تحریک انصاف نے اپنے کارکنوں کو دوبارہ زمان پارک پہنچنے کی ہدایت کر دی ہے، پولیس کی جانب سے ہونے والے آپریشن کے بعد کارکنوں کی بڑی تعداد گھروں کو روانہ ہو گئی تھی۔
