اسلام آباد: (دنیا نیوز) چیف الیکشن کمشنر نے الیکشن کمیشن کی نئی ویب سائٹ کا افتتاح کر دیا، نئی تیار کردہ ویب سائٹ پاکستان کے انتخابی عمل میں شفافیت اور کارکردگی میں مددگار ثابت ہوگی۔
ذرائع الیکشن کمیشن کے مطابق نئی ویب سائٹ کا اجراء انتخابی عمل میں عوامی شمولیت کو تقویت دینے کی جانب ایک اہم قدم ہے، ویب سائٹ کا مقصد شہریوں کو اہم معلومات تک آسانی سے رسائی فراہم کرنا ہے۔
— Election Commission of Pakistan (OFFICIAL) (@ECP_Pakistan) June 2, 2023
نئی ویب سائٹ کی اہم خصوصیات میں سے ایک سوشل میڈیا پلیٹ فارمز کے ساتھ اس کا منسلک ہونا ہے، اس سے شہریوں کو باخبر رہنے اور سوشل میڈیا چینلز پر الیکشن کمیشن کے ساتھ رابطے میں رہنے کی سہولت ملتی ہے۔
