اسلام آباد: (دنیا نیوز) پنجاب میں بلدیاتی انتخابات کے انعقاد کے معاملے پر الیکشن کمیشن میں آج ہونے والا اجلاس ایک بار پھر ملتوی ہو گیا۔
ذرائع کے مطابق الیکشن کمیشن کے ممبران کی مصروفیات کی وجہ سے اجلاس ملتوی کیا گیا، اجلاس چیف الیکشن کمشنر کی زیرصدارت شیڈول تھا۔
الیکشن کمیشن نے نگران وزیر اعلیٰ پنجاب، چیف سیکرٹری کو بلا رکھا تھا، آئی جی اور سیکرٹری لوکل گورنمنٹ پنجاب کو بھی اجلاس کیلئے طلب کیا تھا۔
