وزیر مملکت برائے سیاحت سے برطانیہ بورو کونسل کے وفد کی ملاقات، سیاحت کے فروغ پر تبادلہ خیال

Published On 02 September,2023 09:11 pm

اسلام آباد: (دنیا نیوز) وزیر مملکت برائے سیاحت وصی شاہ سے ووکنگ بورو کونسل برطانیہ کے میئر محمد الیاس راجہ کی سربراہی میں وفد نے ملاقات کی اور سیاحت کے فروغ پر تبادلہ خیال کیا گیا۔

میئر محمد الیاس راجہ نے ملک میں سیاحت کے فروغ کے لئے وصی شاہ کی کوششوں کو سراہا، وصی شاہ نے گفتگو کرتے ہوئے کہا شمالی علاقہ جات میں سیاحت کی صنعت کے شعبے میں بیرونی سرمایہ کاری کے وسیع مواقع موجود ہیں، سکردو میں بچوں کے لئے پہلے تھیم پارک کا جلد سنگِ بنیاد رکھا جائے گا۔

وزیر مملکت برائے سیاحت نے کہا سیاحوں کو بہتر سہولیات فراہم کرنے کے لئے ہر ممکن اقدامات اُٹھائے جائیں گے۔ محمد الیاس راجہ نے کہا ووکنگ بورو سرے برطانیہ کے میئر کی حیثیت سے اپنے مکمل تعاون کا یقین دلاتا ہوں۔
 

Advertisement