نگران وزیراعلیٰ بلوچستان کی دھماکے میں زخمی حافظ حمد اللہ کی عیادت، خصوصی طیارے پر کراچی بھجوانے کا حکم

Published On 14 September,2023 10:12 pm

کوئٹہ: (دنیا نیوز) نگران وزیراعلیٰ بلوچستان علی مردان ڈومکی نے ہسپتال میں دھماکے میں زخمی ہونے والے حافظ حمد اللہ کی عیادت کی اور زخمیوں کو خصوصی طیاے پر کراچی بھجوانے کا حکم دیا۔

نگران وزیراعلیٰ بلوچستان علی مردان ڈومکی نے ہسپتال میں حافظ حمد اللہ سے ملاقات کی اور ان کی خیریت دریافت کی، نگران وزیراعلیٰ نے حافظ حمد اللہ کی جلد صحت یابی کیلئے نیک خواہشات کا اظہار کیا، نگران وزیراعلیٰ نے حافظ حمد اللہ اور دیگر زخمیوں کو خصوصی طیارے سے کراچی بھجوانے کے احکامات جاری کئے۔

ڈاکٹرز نے حافظ حمد اللہ کے علاج معالجے سے متعلق نگران وزیراعلیٰ کو آگاہ کیا، نگران صوبائی وزیر صحت اور جمیت علماء اسلام کے صوبائی امیر مولانا عبد الواسع بھی ہمراہ تھے۔
 

Advertisement