کراچی: (دنیا نیوز) ایم کیو ایم کے سینئر ڈپٹی کنوینر مصطفیٰ کمال نے کہا کہ حکمرانوں کی باتیں سچی ہوتیں تو ہمارے چھوٹے چھوٹے بچے گٹروں میں گر کر مر نہیں رہے ہوتے۔
مصطفیٰ کمال نے کہا کہ سب حکمران یہ کہتے ہیں آپ ہمیں ووٹ دو ہم آپ کے لئے تارے توڑیں گے، حکمرانوں کی باتیں سچی ہوتیں تو ہمارے چھوٹے چھوٹے بچے گٹروں میں گر کر مر نہیں رہے ہوتے، آج حکمران نیک نیتی سے کام کرتے تو کراچی کا شمار ترقی کرنے والے شہروں میں ہوتا۔
ایم کیو ایم کے سینئر ڈپٹی کنوینر نے کہا کہ غیر قانونی ہائیڈرنٹس کے ذریعے کراچی کا پانی بیچا جا رہا ہے۔
