لاہور: (دنیا نیوز) نگران وزیراعلیٰ پنجاب محسن نقوی کے چیف سکیورٹی افسر حمزہ امان اللہ کو سینئر ایس پی کے عہدے پر ترقی دے دی گئی۔
نگران وزیراعلیٰ محسن نقوی اور انسپکٹر جنرل پولیس ڈاکٹر عثمان انور نے حمزہ امان اللہ کو سینئر ایس پی کے بیج لگائے، سی سی پی او لاہور بلال کمیانہ بھی اس موقع پر موجود تھے۔
نگران وزیراعلیٰ محسن نقوی نے حمزہ امان اللہ کو پروموشن پر مبارک باد دی اوران کیلئے نیک خواہشات کا اظہار بھی کیا۔
