اسلام آباد: (دنیا نیوز) اسلام آباد کی مقامی عدالت نے دفعہ 144 خلاف ورزی کیس میں سابق وفاقی وزیر فواد چودھری کی حاضری سے استثنیٰ کی درخواست منظور کر لی۔
ڈسٹرکٹ اینڈ سیشن کورٹ کے ایڈیشنل سیشن جج طاہر عباس سپرا نے فواد چودھری کے خلاف دفعہ 144 کی خلاف ورزی کیس میں درخواست ضمانت پر سماعت کی۔
فواد چودھری کے وکیل ایڈووکیٹ قمر عنایت عدالت کے روبرو پیش ہوئے جبکہ سابق وفاقی وزیر کی حاضری سے استثنیٰ کی درخواست دائر کی گئی جس میں کہا گیا کہ فواد چودھری جوڈیشل ریمانڈ پر جیل میں ہیں اس لیے وہ عدالت پیش نہیں ہو سکتے۔
عدالت نے فواد چودھری کی حاضری سے استثنیٰ کی درخواست منظور کرتے ہوئے کیس کی مزید سماعت 23 نومبر تک ملتوی کر دی۔
