جناح ہاؤس حملہ کیس: پی ٹی آئی کی کارکن طیبہ راجہ کی ضمانت منظور

Published On 12 February,2024 05:08 pm

لاہور: (دنیا نیوز) لاہور ہائیکورٹ نے پی ٹی آئی کارکن طیبہ راجہ کی جناح ہاؤس حملہ کیس میں ضمانت منظور کر لی۔

جسٹس عالیہ نیلم کی سربراہی میں دو رکنی بینچ نے کیس کی سماعت کی، درخواست گزار کی جانب سے بیرسٹر خدیجہ صدیقی اور ایڈووکیٹ مراد خان مروت عدالت میں پیش ہوئے۔

درخواست میں مؤقف اختیار کیا گیا کہ طیبہ راجہ ایف آئی آر میں نامزد نہیں تھیں، ایک ٹویٹ کی بنا پر طیبہ راجہ کو کیس میں نامزد کر دیا گیا، عدالت طیبہ راجہ کو درخواست ضمانت بعد از گرفتاری منظور کرے۔
 

Advertisement