کوئٹہ: (دنیا نیوز) بلوچستان حکومت سازی، جمعیت علماء اسلام نے سپیکر اور ڈپٹی سپیکر کے انتخاب میں بھرپور حصہ لینے کا فیصلہ کر لیا۔
جمعیت علماء اسلام کے صوبائی امیر مولانا عبدالواسع کے زیر صدارت اجلاس ہوا، اجلاس میں نومنتخب اراکین اسمبلی شریک ہوئے۔
اجلاس میں فیصلہ کیا گیا کہ جمعیت علماء اسلام وزارت اعلیٰ کے لئے بھی اپنا امیدوار میدان میں لائے گی۔
اجلاس میں فیصلہ کیا گیا کہ نیشنل پارٹی، بی این پی سمیت دیگر جماعتوں کو بھی انتخاب میں شرکت کی دعوت دی جائے گی۔
