شکار پور: (دنیا نیوز) خانپور انڈس ہائی وے پر دو کاروں کے درمیان تصادم کے نتیجہ میں جماعت اسلامی سندھ کے رہنما جاں بحق ہو گئے۔
شکار پور پولیس کے مطابق حادثہ میں خاتون سمیت 4 افراد زخمی بھی ہوئے، جاں بحق ہونے والے عبدالحفیظ بجارانی ڈپٹی جنرل سیکرٹری جماعت اسلامی سندھ تھے۔
پولیس کے مطابق لاش اور زخمیوں کو متعلقہ ہسپتال خان پور منتقل کر دیا گیا، بتایا گیا ہے کہ حادثہ تیز رفتاری کے سبب پیش آیا۔
