لاہور: (دنیا نیوز) صوبائی دارالحکومت لاہور کے مختلف علاقوں میں رات گئے غیر اعلانیہ طویل لوڈشیڈنگ ہوئی جس کی وجہ سے شہریوں کا کا برا حال ہو گیا۔
تفصیلات کے مطابق لاہور میں بی او آر سوسائٹی جوہر ٹاؤن کے بعض علاقوں میں دس گھنٹوں سے زائد وقت تک بجلی غائب رہی، شدید گرمی میں لوڈشیڈنگ کی وجہ سے شہریوں کو شدید پریشانی کا سامنا کرنا پڑا۔
متاثرہ علاقوں میں شہریوں کی جانب سے لیسکو آفس سے رابطہ کرنے پر جواب دیا جاتا رہا کہ ہمارے پاس صرف ایک لائن مین موجود ہے، صورتحال دیکھنے میں وقت لگے گا۔
