رحیم یارخان: (دنیا نیوز) حلقہ این اے 171میں ضمنی الیکشن کے سلسلے میں پی ٹی آئی زرتاج گل نے انتخابی مہم کا آغاز کردیا۔
تحریک انصاف کی امیدوار زرتاج گل انتخابی مہم کیلئے ظاہر پیر پہنچ گئیں، زرتاج گل کی قیادت میں پی ٹی آئی کارکنوں نے نے قومی شاہراہ پر ریلی نکالی۔
تحریک انصاف کی انتخابی ریلی میں پی ٹی آئی کے مقامی رہنماؤں سمیت خاتون ایم پی اے صائمہ کنول نے خصوصی طور پر شرکت کی، ریلی ظاہر پیر ،سردار گڑھ، رکن پور سے رحیم یارخان شہر تک نکالی گئی، اس موقع پر کارکنوں نے خوب نعرے بازی بھی کی۔
