لندن: (دنیا نیوز) صدر مسلم لیگ ن اور سابق وزیراعظم نواز شریف امریکا میں چیک اپ کے بعد واپس لندن پہنچ گئے۔
لندن کے ہیتھرو ایئرپورٹ پر لیگی کارکنوں اور عہدیداروں نے والہانہ استقبال کیا۔
ایون فیلڈ ہاؤس کے باہر صحافیوں سے مختصر گفتگو کرتے ہوئے میاں نواز شریف کاکہنا تھا کہ پی آئی اے کے پراجیکٹ پر کام کرنے کا ارادہ ہے، اللہ کرے پی آئی اے کے بارے میں جو کہا وہ ہو جائے۔
یہ خبر بھی پڑھیں:میاں نوازشریف نے پاکستان انٹرنیشنل ایئر لائنز خریدنے کا عندیہ دے دیا
انہوں نے کہا کہ شہباز شریف دن رات کام کر رہے ہیں، پاکستان میں حالات بہتری کی جانب گامزن ہیں اور مہنگائی کم ہو رہی ہے۔
سابق وزیراعظم کا مزید کہنا تھا کہ پنجاب میں مریم نواز بھی بہت اچھا کام کر رہی ہیں، ہمیشہ سے یہی کوشش رہی ہے کہ پاکستان میں غریب آدمی کی زندگی آسان ہو۔
