کراچی: (دنیا نیوز) پاکستان پیپلز پارٹی کے مرکزی رہنما و سینئر وزیر شرجیل میمن نے کہا ہے کہ پیپلزپارٹی کے خلاف منفی باتیں پھیلائی جاتی ہیں، تنقید کرنے والے آئیں اور سندھ کے منصوبوں کو دیکھیں۔
نیوز کانفرنس کرتے ہوئے شرجیل میمن نے کہا کہ صحت کے شعبے میں سندھ کا کوئی مد مقابل نہیں، جنوبی پنجاب سے زیادہ تر لوگ علاج کیلئے سندھ کے ہسپتالوں میں آتے ہیں۔
انہوں نے کہا کہ سندھ میں قائم ہسپتال اور یونیورسٹیاں سب کیلئے ہیں، کراچی میں سائبر نائف سے کینسر کا علاج مفت میں ہو رہا ہے۔
شرجیل میمن کا کہنا تھا کہ وزیراعظم شہباز شریف نے احسن اقبال کو کہا سندھ سے سیکھیں، تھر کے کوئلے سے بننے والی ہزاروں میگاواٹ بجلی نیشنل گرڈ میں جارہی ہے۔
