نوشہرہ : (دنیا نیوز) تین موٹرسائیکلیں ون ویلنگ کے دوران آپس میں ٹکرانے سے دو نوجوان جاں بحق اور دو شدید زخمی ہوگئے۔
افسوسناک واقعہ نوشہرہ اکوڑہ خٹک کے علاقے شیدو میں پیش آیا جہاں نوجوان ون ویلنگ میں مصروف تھے کہ یہ حادثہ پیش آیا۔
ون ویلنگ کرتے ہوئے تین موٹر سائیکلوں کا آپس میں تصادم ہوگیا نتیجے میں دو نوجوان موقع پر ہی جان سے ہاتھ دھو بیٹھے جب کہ دو نوجوان شدید زخمی ہیں جنہیں ہسپتال پہنچا دیا گیا۔
ریسکیو حکام کے مطابق حادثے کا شکار ہونیوالے تمام افراد کا تعلق شیدو سے ہے۔
