عمرکوٹ :(دنیا نیوز) اندرون سندھ کے علاقے عمر کوٹ میں کنویں کی صفائی کرتے ہوئے 3 افراد یکے بعد دیگرے جاں بحق ہوگئے۔
افسوسناک واقعہ عمرکوٹ کے صحرائی علاقے کے گاؤں مہندرو پار میں پیش آیا ، جہاں پرانے کنویں کی صفائی کے دوران زہریلی گیس کے باعث 3افراد جان کی بازی ہار گئے۔
واقعہ کے متعلق عینی شاہدین کا کہنا تھا کہ پانچ سال سے کنواں بند تھا، جب کنویں کی صفائی کے دوران یکے بعد دیگرے تین افراد ایک دوسرے کو بچانے کیلئے کنویں میں اترے اور پھر واپس باہر نہ نکل سکے۔
جاں بحق ہونے والوں میں حبیب اللہ سمیجو، سکندر سمیجو، بھیموں بھیل شامل ہیں ، مرنے والوں کی لاشوں کو کنویں سے نکال کر قریبی ہسپتال منتقل کردیا گیا، جہاں ضروری کارروائی کے بعد لواحیقن کے حوالے کردی گئیں ۔
