حیدرآباد :(دنیا نیوز) اندرون سندھ کے ضلع مٹیاری میں مسافروں بسوں میں تصادم سے ایک شخص جاں بحق، 20مسافر زخمی ہو گئے۔
ذرائع کے مطابق حادثہ ضلع مٹیاری کے علاقے سعیدآباد کے قریب قومی شاہراہ پر پیش آیا ، جہاں مخالف سمت میں آنے والی چار مسافر بسیں آپس میں ٹکرا گئیں۔
بسوں کے ٹکرانے سے ایک مسافر موقع پر ہی دم توڑ گیا جبکہ بسوں میں سفر کرنے والے بیس سے زائد افراد زخمی ہو گئے جنہیں مقامی ہسپتال منتقل کردیا گیا، جہاں کچھ زخمیوں کی حالت نازک بتائی جارہی ہے۔
دوسری جانب عینی شاہدین کا کہنا تھا کہ حادثہ میں بہت سے مسافر بسوں میں پھنسے کے باعث زخمی ہوئے ہیں۔
