گوجرانوالہ: (دنیا نیوز) فرنس مل میں دھماکے سے ایک مزدور جاں بحق جبکہ 12 زخمی ہوگئے۔
ریسکیو ذرائع کے مطابق گوجرانوالہ میں تھانہ سبزی منڈی کے علاقے میں واقع فرنس مل میں دھماکہ ہوا جس کے باعث مل میں آگ بھڑک اٹھی، حادثے میں ایک مزدور جاں بحق جبکہ 12 زخمی ہوگئے۔
حادثے کی اطلاع ملتے ہی پولیس اور ریسکیو ٹیمیں موقع پرپہنچ گئیں، جاں بحق ہونیوالے مزدور کی لاش اور زخمیوں کو ہسپتال منتقل کردیا گیا، زخمی مزدوروں میں سے 5 کی حالت تشویشناک بتائی جارہی ہے۔
پولیس حکام کے مطابق دھماکے کی وجہ تاحال سامنے نہیں آ سکی، رپورٹ درج کرکے تخقیقات شروع کر دی گئی ہیں۔
