کراچی: (دنیا نیوز) شہر قائد کراچی ایک بار پھر دنیا کے آلودہ ترین شہروں کی فہرست میں تیسرے نمبر پر آ گیا۔
ایئر کوالٹی انڈیکس کے مطابق کراچی کا فضائی معیار انتہائی مضر صحت ہے جس کی وجہ سے کراچی کا ایئرکوالٹی انڈیکس 229 ریکارڈ کیا گیا ہے۔
اے کیو آئی کے مطابق 151 سے 200 انڈیکس مضر، 201 سے 300 انتہائی مضر اور 301 سے اوپر انڈیکس خطرناک آلودگی ہے۔
موسم کا احوال
دوسری جانب محکمہ موسمیات کا کہنا ہے کہ آئندہ 24 گھنٹوں کے دوران شہر قائد کا مطلع صاف اور رات میں موسم خنک رہنے کا امکان ہے۔
محکمہ موسمیات کے مطابق گزشتہ 24 گھنٹوں میں شہر کا کم سے کم درجہ حرارت 16.5 ڈگری سینٹی گریڈ ریکارڈ کیا گیا اور آئندہ 24 گھنٹوں میں کم سے کم درجہ حرارت 16 ڈگری سینٹی گریڈ تک رہ سکتا ہے۔
موسم کا احوال بتانے والوں کا کہنا ہے کہ ہوا میں نمی کا تناسب 65 فیصد ہے اور شمال مشرق سے 6 کلومیٹر فی گھنٹہ کی رفتار سے ہوائیں چل رہی ہیں۔
