سیہون: (دنیا نیوز) صدر مملکت آصف علی زرداری کی سیہون آمد، سندھ دھرتی کے عظیم بزرگ حضرت لعل شہباز قلندرؒ کے مزار پر حاضری دیکر فاتحہ خوانی کی۔
صدر پاکستان نے مزار لعل شہباز قلندرؒ پر ملکی سلامتی و خوشحالی کیلئے خصوصی دعائیں مانگیں، صدر مملکت نے مزار پر قرآن پاک کی تلاوت بھی کی، وزیراعلیٰ سندھ سید مرادعلی شاھ، صوبائی وزراء علی حسن زرداری، ریاض حسین شاہ شیرازی، ملک اسد سکندر بھی ساتھ موجود تھے۔
وزیر اوقاف سندھ ریاض شاہ شیرازی نے مزار لعل شہباز قلندرؒ آمد پر صدر مملکت کو سندھی ٹوپی اور اجرک کا تحفہ پیش کیا، صدر مملکت کو لعل شہباز قلندرؒ کے مزار پر جاری ترقیاتی منصوبوں پر بریفنگ بھی دی گئی۔
صدر مملکت نے کہا کہ لعل شہباز قلندرؒ کا مزار پیار، محبت اور امن کا درس دیتا ہے، مزار لعل شہباز قلندرؒ پر حاضری دیکر دلی سکون ملتا ہے۔
