راولپنڈی: (دنیا نیوز) صدر مملکت آصف علی زرداری کی راولپنڈی میں میجر حمزہ اسرار شہید کے آبائی گاؤں آمد ہوئی۔
صدر آصف علی زرداری نے گزشتہ دنوں میر علی، شمالی وزیرستان میں دہشتگردوں کیخلاف کارروائی کے دوران جامِ شہادت نوش کرنے والے میجر حمزہ اسرار شہید کی قبر پر فاتحہ خوانی کی۔
آصف علی زرداری نے میجر حمزہ اسرار شہید کی قبر پر پھولوں کی چادر چڑھائی، خراج عقیدت پیش کیا، صدر مملکت نے میجر حمزہ اسرار شہید کے اہل خانہ سے بھی ملاقات کی۔
.jpg)
ملاقات کے دوران صدر مملکت نے نے میجر حمزہ اسرار شہید کے ورثا کے ساتھ اظہار افسوس اور ہمدردی کا اظہار کیا۔
صدر مملکت نے میجر حمزہ اسرار کی وطن کیلئے خدمات، عظیم قربانی پیش کرنے پر خراج عقیدت پیش کیا۔
آصف علی زرداری نے شہید اور اُن کے اہل خانہ کے جذبہ حب الوطنی کو سراہا، صدر مملکت نے شہید کیلئے بلندی درجات، اہل خانہ کیلئے صبر جمیل کی دعا کی۔
