اسلام آباد:(دنیا نیوز) تحریک انصاف کے وکیل فیصل چودھری نے کہا ہے کہ ہم نے حکومت سے مذاکرات ختم کیے سیاسی جماعتوں سے جاری ہیں۔
پروگرام’’ٹونائٹ ود ثمرعباس‘‘ میں گفتگو کرتے ہوئے فیصل چودھری کا کہنا تھا کہ مزاحمت سیاسی انداز سےہوگی اور ہماری سولوفلائیٹ نہیں ہوگی، اسٹیبلشمنٹ سے مذاکرات کسی نہ کسی صورت میں چلتے رہتے ہیں۔
انہوں نے کہا کہ اسٹیبلشمنٹ سے مذاکرات سے متعلق میں لاعلم ہوں، ہم نےحکومت سےمذاکرات ختم کیے ہیں، ملک میں سیاسی جماعتوں سےجاری ہیں، سیاسی عدم استحکام ختم ہوگا تو معاشی استحکام آئے گا۔
وکیل تحریک انصاف کا کہنا تھا کہ عمران خان نےمذاکرات کو اپنی رہائی سے مشروط نہیں کیا، بانی پی ٹی آئی کے خلاف مقدمات قانونی طورپر بوگس ہیں، ہم ذاتی مقصد کیلئے سڑکوں پر نہیں آئیں گے، مولانافضل الرحمان اوردیگر بھی قائل ہیں کہ ملک میں آئین کی حکمرانی نہیں۔
فیصل چودھری نے مزید کہا کہ 26ویں آئینی ترمیم عدلیہ کی آزادی پر حملہ ہے، حامد خان کا بیان تحریک انصاف کی پالیسی کی ترجمانی نہیں کرتا ہے۔
