راولپنڈی: (دنیا نیوز) بانی پی ٹی آئی عمران خان نے آرمی چیف جنرل سید عاصم منیر کو دوسرا کھلا خط لکھا ہے۔
خط میں عمران خان نے لکھا کہ پری پول دھاندلی اور الیکشن کے نتائج تبدیل کر کے حکومت قائم کی گئی، ظلم و جبر کے خلاف اٹھنے والی آوازوں کو بند کرنے کے لیے پیکا کا اطلاق کیا گیا۔
عمران خان نے خط میں کہا کہ پیکا جیسے کالے قانون کے ذریعے سوشل میڈیا اور انٹرنیٹ پر بھی قدغن لگا دی گئی ہے۔
بانی پی ٹی آئی نے لکھا کہ بنیادی انسانی حقوق پامال کرتے ہوئے مجھ پر دباؤ بڑھانے کے لیے جیل انتظامیہ نے ہر ظلم کیا، ہمارے فوجی پاکستان کے لیے قربانیاں دے رہے ہیں، ملک و قوم کی بہتری کی نیت سے آرمی چیف کو خط لکھا۔
