اسلام آباد:(دنیا نیوز)وزیر اطلاعات ونشریات عطا تارڑ نے کہا ہے کہ اپوزیشن کس ہوٹل میں کانفرنس کروانا چاہتی ہے بتایا جائے۔
پروگرام’’ دنیا مہر بخاری کے ساتھ‘‘ میں گفتگو کرتے ہوئے عطا تارڑ کا اپنے ردعمل میں کہنا تھا کہ کس ہوٹل سے انکار ہوا یہ سب ڈرامے ہیں۔
انہوں نے کہا کہ اپوزیشن کس ہوٹل میں کانفرنس کروانا چاہتی ہے مجھے بتائیں میں ہوٹل بک کرا دیتا ہوں، اپوزیشن خود کو اہمیت دینا چاہتی ہے مگر یہ غیرمتعلقہ ہوچکےہیں۔
وزیر اطلاعات ونشریات کا مزید کہنا تھا کہ مولاناحکومت کی پالیسی اوراحترام کے رشتے کودیکھتے ہوئے فیصلہ کریں گے۔
