کوئٹہ: (دنیا نیوز) بلوچستان کانسٹیبلری کو ایف سی میں ضم کرنے کے حوالے سے کمیٹی قائم کر دی گئی۔
کمیٹی کی سربراہی ڈپٹی انسپکٹر جنرل ایف سی نارتھ کریں گے، کمیٹی میں ایڈیشنل سیکرٹری داخلہ و قبائلی امور، ڈپٹی کمانڈنٹ بلوچستان کانسٹیبلری شامل ہیں۔
اعلامیہ کے مطابق کمیٹی میں لیفٹیننٹ کرنل ایف سی ساؤتھ بھی شامل ہیں، کمیٹی انضمام کا جائزہ لینے کے حوالے سے رپورٹ مرتب کرے گی۔
کمیٹی وزیراعلیٰ بلو چستان میر سرفراز بگٹی اور کمانڈر 12 کور کو مارچ کے تیسرے ہفتے میں رپورٹ پیش کرے گی۔
