کراچی: (دنیا نیوز) پیپلزپارٹی سندھ نے کینالز منصوبے کیخلاف 25 مارچ کو احتجاج کا اعلان کر دیا۔
پیپلزپارٹی کے رہنما نثار کھوڑو نے کہا کہ سندھ بھر کے تمام ضلعی ہیڈ کوارٹرز میں ریلیاں نکالی جائیں گی، پیپلزپارٹی دریائے سندھ پر کسی کو بھی کینال نکالنے نہیں دے گی، کینال منصوبے کے خلاف جلسے کرینگے اور گلی گلی احتجاج بھی ہوگا۔
نثار کھوڑو کا مزید کہنا تھا کہ چولستان کینال پر کام کا آغاز کرکے وفاقی حکومت نے آمریت کی یاد تازہ کردی ہے۔
