کراچی: (دنیا نیوز) کراچی میں بوہری برادری آج عید الفطر مذہبی جوش و جذبے سے منا رہی ہے۔
عید الفطر کا سب سے بڑا اجتماع کراچی کے صدر کی طاہری مسجد میں منعقد ہوا، جہاں بڑی تعداد میں بوہری جماعت سے تعلق رکھنے والے افراد نے نماز عید ادا کی۔
اس کے علاوہ پان منڈی، سولجر بازار، بلوچ کالونی، نارتھ ناظم آباد اور حیدری میں بھی نماز عید کے اجتماعات منعقد ہوئے، جہاں داؤدی بوہرہ جماعت کے افراد نے ایک دوسرے کے ساتھ خوشیاں بانٹیں۔
نماز عید کے اجتماعات میں ملک و قوم کی بقا، سالمیت، امن و امان کیلئے خصوصی دعائیں کی گئیں۔
دوسری جانب پشاور میں افغان باشندے اور خیبرپختونخوا کے ضم اضلاع کے عوام آج عیدالفطر منا رہے ہیں، پشاور حیات آباد اور ضم قبائلی اضلاع کے باشندوں نے نماز عیدالفطر ادا کی، خیبر، مہمند، چارسدہ، نوشہرہ، صوابی اور جنوبی اضلاع میں بھی عید منائی جا رہی ہے۔
نماز عید کے بعد امت مسلمہ کی ترقی ،استحکام اور اتحاد کیلئے دعا بھی کی گئی، بعدازاں لوگوں نے گلے مل کر ایک دوسرے کو مبارک باد دی۔
