راولپنڈی:(دنیا نیوز) سابق وزاعظم عمران خان نے علی امین گنڈاپور اور کے پی کے مشیر برائے اطلاعات بیرسٹرسیف کو اسٹیبلشمنٹ سے مذاکرات کرنے کی اجازت دے دی۔
میڈیا رپورٹس کے مطابق عمران خان سے اڈیالہ جیل میں وزیراعلیٰ علی امین گنڈاپور اور بیرسٹرسیف نے ملاقات کی، اس دوران علی امین گنڈاپور اور بیرسٹر سیف نے عمران خان کو اسٹیبلشمنٹ سے مذاکرات کے لیے رضامند کرنے کی کوشش کی جس پر عمران خان نے نیم رضامندی ظاہر کی تاہم انہوں نے دونوں کو اسٹیبلشمنٹ سے بات کرنے کی اجازت دے دی۔
علی امین گنڈاپور اور بیرسٹرسیف کی بانی پی ٹی آئی سے ملاقات ڈھائی گھنٹے جاری رہی جس میں سیاسی صورتحال اور پارٹی امورپر بھی گفتگو ہوئی، وزیراعلیٰ خیبر پختونخوا نے پی ٹی آئی کے سوشل میڈیا کی جارحانہ پالیسی کی جانب بھی بانی چیئرمین کی توجہ دلائی۔
یاد رہے کہ علی امین گنڈا پور کی ڈیڑھ ماہ سے زائد عرصے کے بعد بانی پی ٹی آئی سے ملاقات ہوئی ہے، اس حوالے سے اطلاعات یہ تھیں کہ خود عمران خان کچھ وجوہات کے سبب ان سے ملنا نہیں چاہ رہے تھے۔
دوسری جانب اڈیالا جیل کے اطراف سکیورٹی سخت اور اضافی نفری بھی تعینات ہے، گزشتہ روز بھی پی ٹی آئی کے کچھ رہنماؤں نے عمران خان سے جیل میں ملاقات کی تھی۔
