اسلام آباد: (دنیا نیوز) اسلام آباد ہائی کورٹ کا آئندہ ہفتے کا ججز ڈیوٹی روسٹر جاری کر دیا گیا۔
قائم مقام چیف جسٹس اسلام آباد ہائیکورٹ کی منظوری سے رجسٹرار آفس نے ججز کا ڈیوٹی روسٹر جاری کیا، جس کے مطابق ہائیکورٹ میں آئندہ ہفتے 11 سنگل اور 5 ڈویژن بنچ دستیاب ہوں گے۔
روسٹر کے مطابق پہلا ڈویژن بنچ قائم مقام چیف جسٹس اور جسٹس انعام امین منہاس پر مشتمل ہوگا جبکہ دوسرا ڈویژن بنچ جسٹس محسن اخترکیانی اور جسٹس سرداراعجاز اسحاق خان پر مشتمل ہوگا۔
تیسرے ڈویژن بنچ میں جسٹس بابرستار اور جسٹس ثمن رفعت امتیاز شامل ہیں، تیسرا ڈویژن بنچ 7 اپریل سے 11 اپریل تک دستیاب نہیں ہوگا، جسٹس ثمن رفعت امتیاز7 سے 11 اپریل تک دستیاب نہیں ہوں گی۔
روسٹر کے مطابق چوتھے ڈویژن بنچ میں جسٹس ارباب محمد طاہر اور جسٹس محمد اعظم خان شامل ہیں جبکہ پانچواں ڈویژن بنچ جسٹس خادم حسین سومرو اور جسٹس محمد آصف پر مشتمل ہوگا۔
رجسٹرار آفس نے واضح کیا کہ قائم مقام چیف جسٹس کی منظوری سے سپیشل اور لارجر بنچ بھی بنایا جا سکتا ہے۔
