پشاور: (دنیا نیوز) امن و امان کی خراب صورتحال کے باعث خیبرپختونخوا حکومت نے 12 نومبر کو امن جرگہ بلانے کا فیصلہ کرلیا۔
جرگے میں اپوزیشن جماعتوں کو شرکت کی دعوت دی جائے گی، سابق وزیر اعلیٰ اور گورنرز سمیت دیگر حکام کو بھی مدعو کیا جائیگا، پی ٹی آئی کا مجوزہ امن جرگہ پر اہم مشاورتی اجلاس میں صوبے کی مجموعی سیاسی صورتحال اور امن و امان کے امور پر تفصیلی غور ہوگا۔
وزیراعلیٰ خیبر پختونخوا سہیل آفریدی کی محمود خان اچکزئی کی رہائش گاہ پر آمد، ملاقات میں قومی و سیاسی امور پر تفصیلی تبادلہ خیال کیا گیا، کرم امن صورتحال اور پشاور امن جرگے پر مشاورت کی گئی، 27 ویں آئینی ترمیم اور صوبائی خودمختاری پر ممکنہ اثرات زیر غور آئے۔
سہیل آفریدی نے گفتگوکرتے ہوئے کہا کہ این ایف سی ایوارڈ میں چھیڑ چھاڑ قومی وحدت کیلئے نقصان دہ ہوگی۔
