لاہور: (دنیا نیوز) لاہور ہائی کورٹ نے پٹرولیم مصنوعات کی قیمتوں میں اضافے کیخلاف درخواست پر وفاقی حکومت، اوگرا و دیگر حکام سے جواب طلب کر لیا۔
لاہور ہائی کورٹ کے جسٹس عابد عزیز شیخ کی سربراہی میں 2 رکنی بنچ نے پٹرولیم مصنوعات کی قیمتوں میں اضافے کے خلاف درخواست پر سماعت کی۔
عدالت نے درخواست پر وفاقی حکومت، اوگرا اور دیگر حکام سے جواب طلب کر لیا۔
واضح رہے کہ مفاد عامہ کی تنظیم جوڈیشل ایکٹیوزم پینل نے پٹرولیم مصنوعات کی قیمتوں میں اضافے کو چیلنج کیا ہے۔
یاد رہے کہ یکم نومبر کو وزارت خزانہ کی جانب سے ملک بھر میں پٹرولیم مصنوعات کی قیمتوں میں اضافے کا نوٹیفکیشن جاری کیا گیا تھا۔
نوٹیفکیشن کے مطابق پٹرول کی فی لیٹر قیمت میں 2 روپے 43 پیسے کا اضافہ ہوا تھا جس کے بعد اس کی نئی قیمت 265 روپے 45 پیسے مقرر کی گئی ہے جبکہ ڈیزل کی قیمت میں 3 روپے 2 پیسے فی لیٹر اضافہ کیا گیا تھا اور اب ہائی سپیڈ ڈیزل کی فی لیٹر قیمت 278 روپے 44 پیسے ہوگئی ہے۔
