اسلام آباد: (دنیا نیوز) مسلم لیگ (ن) کے سینیٹر افنان اللہ نے کہا ہے کہ سہیل آفریدی کا بغیر ثبوت کے الزام لگانا انتہائی افسوسناک ہے۔
نجی ٹی وی کے پروگرام میں گفتگو کرتے ہوئے سینیٹر افنان اللہ کا کہنا تھا کہ سہیل آفریدی نے اخلاق سے گری ہوئی بات کی، سہیل آفریدی کی بات کے پیچھے کوئی دلیل نہیں، آپ بانی سے محبت کرتے ہیں ٹھیک ہے لیکن اس ملک سے بھی محبت ہونی چاہیے، آپ کا لیڈر کرپشن کے کیس میں اندر گیا ہے۔
انہوں نے کہا کہ 27 ویں ترمیم کیلئے قانون و انصاف کی مشترکہ کمیٹی بنی تھی، 27 ویں ترمیم پر آئینی عدالت کے قیام، آرٹیکل 243 اور ججز ٹرانسفر کی ترمیم ہیں۔
لیگی سینیٹر کا کہنا تھا کہ آئین بتاتا ہے کہ حکومت چلانے کیلئے کیا اصول و ضوابط ہوں گے، آئین میں بہتری کا اثر حکومتی امور چلانے پر آئے گا اور براہ راست اثر عوام پر آئے گا، اگر اکثریت ہو تو آئین میں ترامیم لانے میں کوئی برائی نہیں ہے۔
