ساہیوال: (دنیا نیوز) انسداد دہشت گردی عدالت ساہیوال نے دو دہشت گردوں کو سزا کا حکم سنا دیا۔
رپورٹ کے مطابق اے ٹی سی کے سپیشل جج نے دھماکا خیز مواد رکھنے، تخریب کاری کے الزامات ثابت ہونے پر دہشت گردوں کو 31، 31 سال قید بامشقت کی سزا کا حکم سنایا۔
یاد رہے کہ 11 جون 2025 کو سبزی منڈی پاکپتن کے قریب دونوں دہشت گردوں نے تخریب کاری کا منصوبہ بنایا، کارروائی سے قبل دہشت گردوں سے ساڑھے 3 کلو دھماکہ خیز مواد برآمد ہوا تھا۔
سی ٹی ڈی نے دہشت گردوں کیخلاف انسداد دہشت گردی ایکٹ کے تحت مقدمہ درج کر کے جیل بھیج دیا تھا۔
