آکسفورڈ: (دنیا نیوز) آکسفورڈ یونیورسٹی میں بھارتی بیانیہ ٹھس،،انڈیا پاکستان سے دلیل کی جنگ ہار گیا۔
آکسفورڈ یونیورسٹی میں صدر سٹوڈنٹس یونین موسیٰ ہراج کی جانب سے پاک بھارت مباحثہ ہوا، پاکستانی طلبہ نے دو تہائی اکثریت سے کامیابی حاصل کی، بھارتی پینل کو دلائل اور منطق سے شکست دی۔
پاکستانی ٹیم کی قیادت صدر سٹوڈنٹس یونین موسیٰ ہراج نے دو سابق صدور احمد نواز اور اسرار کاکڑ کے ہمراہ کی، تینوں طلباء نے نہایت مدلل انداز میں پاکستان کا مقدمہ رکھا، پاکستانی طلباء نے بھارت کے مذہبی بیانیہ ساز پینل کو ٹھوس دلائل، قانون اور اعدادوشمار کے ساتھ مؤثر جواب دیا۔
بھارتی طلباء مباحثے میں اٹھائے گئے سوالات کا مؤثر جواب نہ دے سکے، پاکستانی ٹیم نے 106 ووٹ حاصل کئے، بھارتی ٹیم صرف 50 ووٹ حاصل کر سکی، پاکستانی طلباء نے علمی برتری حاصل کرتے ہوئے پاکستان کے مؤقف کی فکری مضبوطی کا اظہار کیا۔
آکسفورڈ یونیورسٹی میں بھارتی تھنک ٹینک پاکستانیوں کے ساتھ مباحثے سے بھاگ گئے، ہائی کمشنر ڈاکٹر محمد فیصل کا کہنا ہے پاکستان کا ایسا مباحثہ کبھی آکسفورڈ میں نہیں ہوا تھا۔
