لاہور:(دنیا نیوز) وزیر بلدیات پنجاب ذیشان رفیق نے کہا کہ دنیا کا سب سے بڑا سالڈ ویسٹ پروگرام ستھرا پنجاب ہے۔
صوبائی دارالحکومت کے ڈی جی پی آر میں پریس کانفرنس کرتے ہوئے ذیشان رفیق کا کہنا تھا کہ امریکی جریدے نے ستھرا پنجاب کو پذیرائی دی، فوربز نے اس بات کا اعتراف کیا کہ ستھرا پنجاب صفائی کا سب سے بڑا پروگرام ہے۔
اُنہوں نے کہا کہ 130 ملین لوگوں کو صفائی کی بہترین سہولیات بیک وقت شروع کی گئی، پورے پنجاب میں بجائے پائلٹ پراجیکٹ ہم نے نو بیک وقت صفائی منصوبوں کا آغاز کیا، کوپ 30 کانفرنس میں وزیر اعلیٰ پنجاب نے پاکستان پویلین میں ستھرا پنجاب پروگرام کی نمائندگی کی۔
وزیربلدیات کا کہنا تھا کہ فوربز کا کہنا ہے کہ گوبل لیڈشپ کو وزیر اعلیٰ پنجاب سے امپیکٹ لیڈرشپ سیکھنی چاہیے،25ہزار دیہاتوں میں صفائی کا نظام موجود نہیں تھا جہاں صفائی کا نظام دیا گیا،100 ارب کی مشینری اس وقت کام کر رہی ہے۔
ذیشان رفیق نے کہا کہ 150 بلین الائیڈ انڈسٹری اس سے چل رہی ہے،اس پروگرام کو آٹھ مہینوں میں کھڑا کیا گیا، یومیہ 50 ہزار ٹن کوڑے کو ویسٹ کو ویلیو کی طرف لےجایا جا رہا ہے۔
اُن کا کہنا تھا کہ گلف نیوز میں ایک آرٹیکل آیا تھا جس میں بزدار حکومت میں کوڑے کے پہاڑوں کا ذکر کیا گیا تھا، دنیا کا سب سے بڑا سالڈ ویسٹ پروگرام ستھرا پنجاب ہے، اس منصوبے کو تین آئی ایس او سرٹیفکیٹس مل چکے ہیں ۔
وزیربلدیات نے کہا کہ ڈیڑھ لاکھ لوگوں کو اس منصوبے سے روزگار ملا، آئی ٹی، ٹیکسٹائل سمیت دیگر انڈسٹریز کو اس منصوبے سے فائدہ ہوا، یہ ڈارا سسٹم ڈیجیٹل اور اے آئی سے لنک ہے۔
ذیشان رفیق کا کہنا تھا کہ ستھرا پنجاب پروگرام کی بدولت ہزاروں افراد کو روزگار ملا،آج دنیا کے کئی ممالک سالڈ ویسٹ کے معاملے پر پنجاب سے رہنمائی لے رہے ہیں۔
