ملتان :(دنیا نیوز) موٹروے کو ایم 4 خانیوال سے ملتان تک دھند کی وجہ سے بند کردیا گیا۔
سنٹرل ریجن کے ترجمان کے مطابق موٹروے ایم 5 ملتان سے ظاہر پیر تک دھند کی وجہ سے بند ہے، موٹرویز کی بندش کا مقصد عوام کی جان و مال کا تحفظ ہے، دھند میں لین کی خلاف ورزی خطرناک حادثات کا باعث ہو سکتی ہے۔
ترجمان نے اپیل کی ہے کہ شہری روڈ یوزرز لین ڈسپلن پر سختی سے عمل کریں اور دن کے اوقات میں سفر کو ترجیح دیں، دھند میں صبح 10 تا شام 6 تک محفوظ سفری اوقات ہیں، ڈرائیور حضرات فوگ لائٹس لازمی استعمال کریں غیر ضروری سفر سے اجتناب کریں۔
