لاہور: (محمد اشفاق) یاتری ویزے پر پاکستان آکر شادی کرنے والی خاتون سربجیت کور کو بھارت ڈی پورٹ کر دیا گیا۔
سربجیت کور کو ڈی پورٹ کرنے کی درخواست کی پیروی کرنے والے وکیل علی چنگیزی سندھو کا کہنا ہے کہ سربجیت کور پاکستان میں غیر قانونی طور پر مقیم تھیں۔
انہوں نے کہا کہ سربجیت کور کا ویزہ نومبر 2025 میں ختم ہوچکا ہے، سربجیت کور کو فارنر ایکٹ 1946 اور ایف آئی اے کے سٹیندنگ آرڈر کے تحت ڈی پورٹ کیا گیا۔
وکیل علی چنگیزی کے مطابق لاہور ہائیکورٹ نے سربجیت کور کے حوالے سے کیبنیٹ ڈویژن ،ائی جی ،چیف سیکرٹری سمیت دیگر سے رپورٹ بھی طلب کر رکھی ہے۔
سابق ایم پی اے مہندر پال سنگھ نے وکیل علی چنگیزی سندھو کی وساطت سے سربجیت کور کو ڈی پورٹ کرنے کےلیے ہائیکورٹ سے رجوع کیا تھا۔
