اوکاڑہ: (دنیا نیوز) اوکاڑہ میں زہریلا کھانا کھانے سے متعدد بچوں کی حالت غیر ہو گی۔
مرکز عمر بن ناس مدرسہ کے بچوں نے زہریلا کھانا کھایا، 12 بچوں کی حالت غیر ہو گئی، ریسکیو کے اہلکاروں نے بچوں کو مریم نواز ہیلتھ کلینک میں منتقل کر دیا ، چند بچوں کی حالت تشویشناک ہونے پر ڈسٹرکٹ ہسپتال منتقل کر دیا گیا۔
ڈی پی او کی ہدایت پر ڈی ایس پی بھی ہسپتال پہنچ گئے، واقعہ پر ڈپٹی کمشنر احمد عثمان جاوید نے نوٹس لے لیا، بچوں کو بہترین طبی سہولیات فراہم کرنے کا حکم دیا، اسسٹنٹ کمشنر کو معاملے کی انکوائری کا حکم بھی دے دیا۔
ڈپٹی کمشنر کا کہنا ہے کہ کھانے کو مزید چیک کرنے کا کہا ہے، کھانے میں کسی نے کوئی زہریلی چیز ملائی ہے یا کوئی حادثاتی ایسے ہوا ہے تحقیقات کے بعد پتہ چلے گا، اگر کسی کی کوتاہی ثابت ہوئی تو اس کے خلاف سخت کارروائی کی جائے گی۔
