ڈویژنل کمرشل آفیسر عبداللہ ارشد نے بتایا کہ سپیشل ٹکٹ ایگزامینر کو معطل کرنے کے بعد انکوائری بھی شروع کر دی گئی ہے۔

ریلوے ذرائع کے مطابق فیصل آباد سے راولپنڈی جانے والی پاکستان ایکسپریس ٹرین میں سامان راستے میں رکھنے پر لڑائی جھگڑا شروع ہوا تھا۔

مسافروں کی طرف سے تلخ کلامی کے بعد ویڈیوز بنانے پر بات بڑھ گئی، نوبت ہاتھا پائی تک پہنچ گئی، دوران لڑائی ٹرین بھی رکی رہی۔

ریلوے ذرائع کے مطابق دیگر مسافروں نے لڑائی جھگڑا ختم کرایا، مسافروں کی شکایات پر کارروائی شروع کر دی گئی ہے۔

پیر کے روز انکوائری ٹیم کے سامنے ٹکٹ ایگزامینر، ڈیوٹی پر موجود پولیس اہلکار اور گارڈ بھی پیش ہوں گے۔

واضح رہے کہ ٹرین میں مسافر کے ساتھ لڑائی جھگڑے کا واقعہ 4 ، 5 روز قبل پیش آیا۔