دفتر خارجہ کے ترجمان کے مطابق اسحاق ڈار فلسطین کی صورتِ حال پر سلامتی کونسل کے اعلیٰ سطح اجلاس میں شرکت کریں گے۔

ترجمان کا کہنا تھا کہ پاکستان نے اسرائیل کے مغربی کنارے سے متعلق غیر قانونی فیصلوں کی سخت مخالفت کا اعادہ کیا ہے اورغزہ میں مستقل جنگ بندی اور قرارداد 2803 پر مکمل عملدرآمد پر زور دیا۔

دفتر خارجہ کے ترجمان نے کہا کہ غزہ کے لیے انسانی امداد میں اضافے اور تعمیرِ نو کا جلد آغاز کیا جائے، پاکستان نے فلسطینی عوام کے حقِ خودارادیت کی بھرپور حمایت کا بھی اعادہ کیا۔

ترجمان کا مزید کہنا تھا کہ القدس الشریف کو دارالحکومت بنا کر آزاد فلسطینی ریاست قائم کی جائے، وزیر خارجہ نیویارک میں دوطرفہ ملاقاتیں، باہمی دلچسپی کے اُمور پر گفتگو کریں گے۔