پاکستان
خلاصہ
- ڈیرہ غازی خان:(دنیا نیوز) پنجاب کے علاقے ڈیرہ غازی خان میں ٹریفک حادثے میں 3 افراد جاں بحق ہو گئے۔
ریسکیو ذرائع کے مطابق تونسہ روڈ پر واقع انڈس ہائی وے پر ایک تیز رفتار مسافر بس حادثے کا شکار ہو کر الٹ گئی، حادثے کے نتیجے میں 3 افراد جاں بحق جبکہ 7 افراد زخمی ہو گئے۔
حکام کا کہنا تھا کہ اطلاع ملتے ہی ریسکیو ٹیمیں فوری طور پر جائے حادثہ پر پہنچ گئیں اور امدادی کارروائیاں شروع کر دیں، زخمیوں کو ابتدائی طبی امداد فراہم کرنے کے بعد قریبی ہسپتال منتقل کر دیا گیا، جہاں انہیں مزید علاج معالجہ فراہم کیا جا رہا ہے۔
واقعہ کی اطلاع ملنے پر پولیس بھی جائے حادثے پر پہنچ گئی اور شواہد اکٹھے کرکے تحقیقات شروع کردیں جب کہ متاثرہ افراد کی مدد اور امدادی سرگرمیاں مکمل کر لی گئی ہیں۔
